0
0
Deur William & Malinda Van Zyl
Geskryf en gepubliseer in 2018.
Table of Contents
Afrikaanse Gedig: Uit Dikmelk en Nettige-vet
Inleiding
Malinda en William skryf n gedig oor die plaas Steenbok Pan – in Bloemhof, Suid Afrika – waar Malinda groot geword het. Met verwysing na Malinda se pa Errie Kleynhans.
Hantam staan in ‘Steenbok-se-pan’
Van biltong-tyd tot wit mielie-vlei
Lê die trekker spore ge-chevron of die warm kronkel-paadjie
Leweloos met opgekrulde, geriffelde riffels,
lei die paadjie na die dikmelk-boom
Koel en afgemat lê die bruin-en-swart honde uitgesterk
hygend onder die trekker se gesleepte wa
———————————————————–
Die son brand golwe uit die Vrystaat aarde
Die sinkplaat golwe maak hulle duinings knip-oog vêr
Die blou-groen mielies roep uit na die son en smeek vir nog vog
Waar sal hulle hulp vandaan kom?
Piet, Thys, Stoffel en Sias se dikmelk-bottels,
hang stil onder die sleepwa se warm staal
——————————————————–
Die hoop van Steenbok-se-pan lê diep
in die stem en die oë van Johannes Lodewyk
‘Hierdie jaar gaan hulle blou staan as ek so na die wolke kyk’
Die stikstof en die pitte het mooi geval,
diep met baie ver vooruitsigte
‘Steenbok-se-pan gaan blou staan’, se die man in khaki-en-sandaal
*Wat is die Hantam?
Die Hantam is ‘n streek op ‘n hoë plato rondom die dorp Calvinia in die RSA (Suid-Afrika). Aan die westekant grens dit aan Namakwaland en die Bokkeveldberge, noordwaarts aan Boesmanland, suidwaarts loop dit tot by die Roggeveldberge.
*‘Steenbok-se-pan’ verwys na n soortgelyke streek soos Hantam in die Karoo, dit is egter geleë in die Vrystaat (RSA). Warm mielie wereld.
Geneem uit: https://af.wikipedia.org/wiki/Hantam-Karoo
Boeremusiek: Ernst se gunsteling musiek
Errie het Saterdag middae, so om en by 4 namiddag, na sy silwer Toyota motor toe gestap. Hy het gaan sit aan die passasiers kant en het dan het hy na sy gunsteling musiek gesit en luister.
Die vrolike konsertinas and trekklaviere het gesing van lekker waenhuisdans , van vastrap, en van lekker ‘balke toe’.
“Hiert jou lekker skotteljons…”.
Luister na die lekker boeremusiek hieronder: ’Wie se kind is jy?’-Klipwerf Orkes.
Klipwerf Orkes “Wie se kind is jy.” 2,575,269 views Oct 12, 2011
Klipwerf Orkes tree “Wie se kind is jy” op. Wie se kind is jy is beskikbaar op Klipwerf se nuutste album “Hantam Gatskop”. Klipwerf Orkes word bemark deur Vonk Musiek en versprei deur Real Music Distribution. Musiek video vervaardig deur vphFilms http://www.vphFilms.com
Ter nagedagtenis aan Ernst (Errie) Johannes Lodewyk Kleynhans
Die skrywers
Die skrywers/digters hou daarvan om die beelde van ‘gister’ in woorde te omskryf. Die helder ervaringe en herinneringe kry heuning-soet betekenis op die wit bladsye, as hulle terug reflekteer op wat gebeur het, lank gelede in die spelonk van hul gedates. Soms tuur hulle die verte in en skryf hulle oor dit wat aangerol kom oor die ronde aarde.
William & Malinda Van Zyl
Meer/More:
http://williamvanzyl.com/Malinda.php
Kopiereg @ 2018
Hierdie gedig/gedigte is vir die uitsluitlike doel vir lees-en-geniet. Dit is die werk van William & Malinda Van Zyl – tensy anders vermeld. Die foto’s is meestal ons eie eiendom en geen materiaal mag gebruik word sonder direkte geskrewe/getikte toestemming nie. Om dit te gebruik sonder toestemming is onwettig.
Geskryf en gepubliseer in 2018.
Kort gedeeltes van die werk mag gedeel word op sosiale webtuistes met volledige verwysings. Die kort verwysings of ‘links’ moet gepaard gaan met erkenning aan die outeur/digter (voeg naam by). Die werk mag onder geen omstandighede vir kommersiële doeleindes gebruik word nie. Dit is die eksklusiewe eiendom van William & Malinda van Zyl. Die werk kan moontlik beskikbaar gemaak word.
Kontak:
williamvzyl@xtra.co.nz
